काठमाडौँ– इंग्लिस प्रिमियर लिग फुटबलमा चेल्सीमाथि ब्रेन्टफोडले सानदार जित निकालेको छ ।
लन्डनस्थित ब्रेन्टफोर्डको घरेलु मैदान जिटेक कम्युनिटी स्टेडियममा गएराति भएको खेलमा चेल्सीलाई ३–० गोलले हराउँदै ब्रेन्टफोर्डले सहज जित निकालेको हो ।
ब्रेन्टफोर्डका जेडन एन्थोनी, इगोर थियागो र फाबियो काभोल्होले एक–एक गोल गरेका थिए ।
पहिलो हाफ गोलरहित बराबरीमा सकिएको खेलमा सबै गोल दोस्रो हाफमा भएका थिए । खेलको ६१औँ मिनेटमा ब्रेन्टफोर्डका लागि एन्थोनीले गोल गर्दै सुरुवाती अग्रता दिलाएका थिए ।
त्यसपछि ८४औँ मिनेटमा थियागो र इन्जुरी समयको चौथो मिनेटमा फाबियोले गोल गर्दै चेल्सीविरुद्ध ३–० गोलको जित निकाले ।
जारी लिगमा ५ खेल खेलेको ब्रेन्टफोर्ड ९ अंकका साथ अंक तालिकाको तेस्रो स्थानमा छ । पराजित भएको चेल्सी समान खेलबाट ७ अंकसहित सातौँ स्थानमा छ ।
