कृष्ण न्यौपाने
दमौली, २१ श्रावण । दमौलीस्थित मादी नदी पुलमा बस खसेको एक महिना पूरा भएकै दिन सोमबार तनहुँको खैरेनीटार गाविस–९ स्थित कुम्लेखोलाको पुलबाट यात्रुवाहक बस खसेको छ । काठमाडौंबाट पोखरा जाँदै गरेको ना ३ ख ९४४१ नम्बरको यात्रुवाहक बस कुम्लेखोला पुलको बीच भागबाट खस्दा बसमा सवार १९ जना घाइते भएको इलाका प्रहरी कार्यालय वेलचौताराले जनाएको छ ।
प्रहरीका अनुसार १९ जना घाइतेलाई उपचारको लागि मणिपाल शिक्षण अस्पताल पोखरा पठाइएको छ । घाइते मध्ये ५ जनाको स्थिति गम्भीर रहेको प्रहरीले जनाएको छ । घाइतेहरुको स्थानीय वासिन्दा, प्रहरी र सेनाले उद्धार गरेका थिए ।
