राम बहादुर धामी, आँबुखैरेनी, असार ३० । भानु–५, भन्सार बजारमा जारी भानुकप फुटबल प्रतियोगिताको उपाधी आयोजक भन्सार युवा परिवारले जितेको छ ।
शनिबार भएको फाईनल खेलमा छपेली सांस्कृतिक युवा परिवारलाई ३–१ गोल अन्तरले पराजित गरेपछि आयोजक भन्सार युवा परिवारले उपाधी जितेको हो । उपाधीसँगै भन्सार युवा परिवारले नगद ५१ हजार, शिल्ड, मेडल, प्रमाणपत्र हात पारेका छन् । त्यस्तै, प्रतियोगितामा उपबिजेता बनेको छपेली सांस्कृतिक युवा परिवारले नगद २५ हजार शिल्ड, मेडल, प्रमाणपत्र प्राप्त गरेका छन् । २ सय औं भानु जयन्ती तथा भन्सार युवा पििरवारको १२ औं बार्षिक उत्सवको अवसरमा आयोजकले फुटबल प्रतियोगिताको आयोजना गरेको हो । प्रतियोगितामा तनहुँ, लमजुङ्ग, चितवन, कास्की लगायतका जिल्लाबाट २४ वटा टिमले सहभागिता जनाएका थिए ।
