काठमाण्डौ, २०७० ज्येष्ठ १३, सोमवार
संसारभर अहिले 'ग्याङ्गम स्टाईल'ले संगीत बजार तताईरहेको छ । डिस्को होस् या पार्टी जहाँ गयो त्यहिं नै 'ग्याङ्गम स्टाईल'मा झुमेको पाईन्छ । यहि 'ग्याङ्गम स्टाईल'को संगीतमा निर्देशक राजेन्द्र खड्गीले नेवारी शब्द राखेर 'ग्याम्पो स्टाईल'को भिडियो तयार पारेका छन् जहाँ खड्गी स्वयं नै मुख्य भुमिकामा देखिएका छन् ।
निकै रोमान्टिक तरिकाले तयार पारिएको यो 'ग्याम्पो स्टाइल'को भिडियो राजेन्द्रले आफैले निर्देशन गरेको फिल्म 'नथिङ इम्पोसिबल'मा राखेका छन् । उक्त गीतमा राजेन्द्रको साथमा उनकै नाति आर्यन खड्गी सहित थुप्रै सेलिब्रेटीले 'ग्याम्पो स्टाइल'मा डान्स गरेका छन् । 'ग्याङ्गम स्टाईल'को चर्चालाई क्यास गर्न खोजेका खड्गीको यो 'ग्याम्पो स्टाईल'ले कत्तिको चर्चा पाउँछ हेर्न बाँकि छ ।
