रुकुम, २७ माघ/ रुकुमको सल्ले विमानस्थलमा आगामी तीन महिनाका लागि हवाई उडान बन्द गरिएको छ ।पर्यटन मन्त्रालयलको आर्थिक सहयोगमा सदरमुकाम खलंगामा रहेको सल्ले विमानस्थलको धावनमार्ग पक्की बनाउन सुरु गरिएपछि सम्पूर्ण उडान बन्द गरिएको रुकुम सल्ले नागरिक उड्डयन कार्यालयले जनाएको छ ।आगामी तीन महिनासम्मका लागि सदरमुकाममा कुनै पनि हवाई उडान नहुने विमानस्थल अधिकृत दीपककुमार केसीले जानकारी दिनुभयो । पर्यटन मन्त्रालयको करिब सात करोड रुपैयाँको लगानीमा सल्ले विमानस्थललाई पक्की बनाउन सुरु गरिएको हो ।
