दिपक शर्मा
बर्दिया, ८ फागुन/ जन्ती बोकेको बस दुर्घटना हुँदा एकजनाको मृत्यु गएको छ भने दर्जनौं घाइते भएका छन् ।बर्दियाको कालिका गाविसबाट जन्ति बोकेर बर्दियाको बगहीतर्फ जाँदै गरेको ना ३ ख ६२३० नम्बरको बस बर्दियाको तुल्सिपुरमा दुर्घटना हुँदा बर्दियाको मोतिपुर गविस–७ निवासी २० वर्षीय जगतबहादुर चौधरीको जिल्ला अस्पताल लैजार्दै गर्दा बाटोमै मृत्यु गएको प्रहरीले जनाएको छ ।
दुर्घटनामा २१ जना घाइते भएका छन् । घाइते मध्ये ७ जनाको अवस्था चिन्ताजनक रहेको छ । अन्य १४ जना घाइतेहरूको जिल्ला अस्पतालमा उपचार भइरहेको छ ।
गाडीचालक फरार भएको प्रहरीले बताएको छ । बस तीव्र गतिका कारण दुर्घटना भएको प्रहरीले जनाएको छ ।
