पोखरा, माघ २७ - ग्राण्ड क्यासिनोमा जुवा खेलिरहेका १० नेपालीलाई प्रहरीले शुक्रबार राती पक्राउ गरेको छ ।पक्राउ पर्नेमा पोखरा, ७ का भुवन गाहा, ललितपुरका अमुल्यराज बज्राचार्य, बागलुङ, छिस्ती, ६ का ढुण्डीराज शर्मा, लेखनाथ, ३ का पवनकान्त पौडेल, पोखरा, १० का तुलबीर बिक, स्याङजा चिसापानीका निर्मल भण्डारी र प्रकाश सिंग्देल, स्याङजा फेदीखोलाका गमबहादुर गुरुङ र भरतपुर चितवनका बिकास घले छन् । उनीहरु सबै क्यासिनोमा जुवा खेलाडी रहेको प्रहरी उपरीक्षक केदार रिजालले बताए । यसैगरी छापा मार्न गएको प्रहरी टोलीलाई अवरोध पुर्याउन खोज्ने क्यासिनोका कर्मचारी बसन्तलाल दिवाकरलाई पनि पक्राउ गरिएको छ ।प्रहरी निरीक्षक रबिनबाबु रेग्मीको नेतृत्वमा गएको टोलीले शुक्रबार राति उनीहरुलाई पक्राउ गरेको हो । कास्की प्रहरीका प्रबक्ता रबिन्द्र पौडेलका अनुसार नियमित छापा मार्ने क्रममा यति ठूलो संख्यामा नेपाली भेटिएका हुन । उनीहरुलाई घटना र सबुद प्रमाणको आधारमा मुद्धा अघि बढाईने पौडेलले बताए ।
