प्रमुख दलहरुको बैठक नयाँ बानेश्वरमा जारी

काठमाण्डौं, १२ फागुन ÷ प्रधानन्यायाधीशशलाई प्रधानमन्त्री बनाउन देखिएका कानुनी अड्चनका विषयमा समाधान खोज्न प्रमुखदलहरुको बैठक बसिरहेको छ । नयाँ बानेश्वरमा रहेको सेना समायोजन विशेष समितिको कार्यालयमा जारी बैठकमा एकीकृत नेकपा माओवादी, नेपाली कांग्रेस, नेकपा एमाले र मेधसी मोर्चाका शीर्ष नेताहरुले प्रधानन्यायाधीलाई प्रधानमन्त्री बनाउने संवैधानिक बाटोका खोजी गरिरहेको छन् । बैठकमा प्रधानन्यायाधीशले राखेका प्रस्तावका विषयमा छलफल भइरहेको छ । प्रधानन्यायाधीश खिलराज रेग्मीले आफु प्रधानमन्त्री बन्नुअघि संवैधानिक र कानुनी अडचन हटाएर भाषा र दलीय विवादमा सहमति खोज्न सर्त राख्नु भएको छ । बैठकमा यसअघि कार्यदलले गरेको ९ बुदे सहमतिलाई थप संसोधन गरि त्यसको भाषाका विषयमा पनि छलफल हुने एकीकृत माओवादी प्रवक्ता अग्निप्रसाद सापकोटाले बैठकअघि जानकारी दिनुभयो । सापकोटाका अनुसार विज्ञहरुको सल्लाहमा कार्यदलले नै आज केही प्रस्ताव ल्याउने छ । प्रधानन्यायाधीशलाई प्रधानमन्त्री बनाउन २० वटा कानुनी अड्चन हटाउने पर्ने देखिएकाले विज्ञहरुसँग परामर्श भइरहेको एमाले नेता तथा कार्यदलका सदस्य भीम रावलले जानकारी दिनुभयो ।