युवा संघको आठौं महाधिवेशनमा आजबाट चुनावी प्रक्रिया सुरु

बुटवल , १२ फागुन ÷ नेकपा एमालेको भ्रातृसंगठन युवा संघ नेपालको आठौं राष्ट्रिय महाधिवेशनमा आजबाट नेतृत्व चयनका लागि चुनावी प्रक्रिया सुरु हुँदैछ । बुटवलमा हिजोदेखि सुरु भएको महाधिवेशनमा आज उम्मेद्वारी दर्ता, मतदाता नामावली प्रकाशन हुनेछ ।यसअघिनै बिधान पारित भएकाले बन्दसत्र नभई सिधै निर्वाचन प्रकृया शुरु हुन लागेको हो । नेतृत्व सर्वसम्मत बनाउन एमालेका शिर्ष नेताहरु लागिपरेकाले अहिलेसम्म उम्मेदवारीको टुङगो लागिसिकेको छैन । उम्मेदवारी दर्ता,नामावली प्रकाशन,दावी विरोधको कार्यक्रम आज रहेको छ । नेतृत्वका लागि वर्तमान अध्यक्ष महेश बस्नेत, उपाध्यक्ष झपट रावल र महासचिव निरज आचार्यले दाबेदारी पेश गर्नुभएको छ । मतदान भने भोलि बिहान ८ बजेदेखि हुने कार्यतालिका तय गरिएको छ । अध्यक्ष पदका लागि वर्तमान अध्यक्ष महेश बस्नेत, उपाध्यक्ष हिरा केसी र झपट रावल तथा महासचिव निरज आचार्यले दाबेदारी पेश गरेका छन् । १३५ सदस्यीय केन्द्रीय समितिको नेतृत्व चयनका लागि बन्दसत्र पनि आजदेखि शुरु हुनेछ । पदाधिकारी १७ जनाको हुने विषयमा गएराती सहमति भएको छ । नयाँ विभान अनुसार अध्यक्ष,  ५ उपाध्यक्ष, एक महासचिव, नौ सचिव, कोषाध्यक्ष गरि १७ जनाको स्थायी समिति रहने विषयमा सहमति भएको महासचिव निरज आचार्यले जानकारी दिनुभयो ।