काठमाडौँ, ८ माघ/ घोषित आन्दोलनलाई प्रभावकारी बनाउने विषयमा नेपाली कांग्रेसले आज सबै भ्रातृ संस्थाहरूसँग छलफल गर्दै छ । पार्टी मुख्यालय सानेपामा दिउँसो १ बजे हुने छलफलमा सबै भ्रातृ संस्थालाई आन्दोलन प्रभावकारी बनाउन निर्देशन दिइने बताइएको छ । छलफलमा १३ भ्रातृ संस्था र १३ शुभेच्छुक संस्थाका प्रतिनिधिहरूलाई नेता नवीन्द्रराज जोशीले आन्दोलनको रणनीतिबारेमा जानकारी गराउने बताइएको छ । यस्तै आज एमाओवादीका शीर्ष नेताहरू गोर्खाको सदरमुकाम गोर्खा बजार जाँदै छन् । गोर्खा जिल्ला सम्मेलनका लागि अध्यक्ष पुष्पकमल दाहाल, उपाध्यक्ष तथा प्रधानमन्त्री बाबुराम भट्टराई, अर्का उपाध्यक्ष नारायणकाजी श्रेष्ठलगायतका नेताहरू गोर्खा जान लाग्नुभएको हो ।
