राम बहादुर धामी / माघ ८ :– धादीङको ज्यामरुङमा आजविहान भएको बस दुर्घटनामा २ जनाको मृत्यु भएको छ । गोरखाको आरुघाटबाट काठमाडौका लागी छुटेको भैरवी ट्राभल्सको ना २ ख ४९८५ नम्बरको बस , ज्यामरुङ वार्डनम्बर ७ मा दुर्घटनाहुदा २ जनाको मृत्यु भएको धादीङ प्रहरीले जनाएको छ । मृत्यु हुनेमा १ जना पुरुष र १ जना महिला रहेका छन् । उनीहरुको सनाखत हुन सकेको छैन । घाइतेहरुको उद्वारकार्य जारी रहेको प्रहरीले जनाएको छ ।उद्वार गरिएकाहरुको भने स्थानीय अस्पतालमा उपचार भैरहेको छ ।उता , काठमाण्डौंका बेग्ला बेग्लै स्थानमा भएको सवारी दुर्घटनामा दुई जनाको मृत्यु भएको छ । सानो भयाङमा आज बिहान माइक्रोबसको ठक्करबाट एक बृद्वको मृत्यु भएको छ । बा १ ज ५२६९ नम्बरको माइक्रोबसको ठक्करबाट सिन्धुपाल्चोकका ७८ वर्षीय देवेन्द्र श्रेष्ठको मृत्यु भएको प्रहरीले जनाएको छ । यस्तै पिङ्गलास्थानमा गएराती भएको दुर्घटनामा एक पैदल यात्रुको ज्यान गएको छ । गाडीको ठक्करबाट सुनसरी हासपोसाका १९ वर्षीय सुभास खवासको मृत्यु भएको हो ।
