आँबुखैरेनी, १० माघ ÷ तनहुँको बन्दिपुर–४, ठूलढुंगामा ट्राफिक नियम उल्लघंन गर्ने १५ वटा सवारी साधन कारबाहीमा परेका छन् । मंगलबार बिहान ११ बजेदेखि दिउँसो २ बजे सम्म इलाका प्रहरी कार्यालय भानुमकाम डुम्रेले गरेको सवारी साधन चेकजाँचका क्रममा १५ वटा सवारी साधन कारबाहीमा परेको हो । कारबाहीमा परेको सवारी साधनबाट प्रहरीले ३९ सय रुपैंया राजस्व संकलन गरेको छ । यस्तै...गोरखा र तनहु जोड्ने मस्र्याङ्गदीमा पुलमा मंगलबार ट्राफिक नियम उल्लघंन गर्ने २२ वटा सवारी साधन कारबाहीमा परेका छन् । मंगलबार नै बिहान १० बजेदेखि दिउँसो २ बजे इलाका प्रहरी कार्यालय मझुवा देउराली गोरखाले गरेको सवारी साधन चेकजाँच क्रममा २२ वटा सवारी साधन कारबाहीमा परेको हो । कारबाहीमा परेको सवारी साधनबाट प्रहरीले ३४ सय रुपैंया राजस्व संकलन गरेको छ ।
