काठमाडौ, माघ ८ – सहिद स्मारक ए डिभिजन लिग फुटबल प्रतियोगिता अन्तर्गत सोमबारदेखि १५ औं चरणका खेल शुरु हुँदैछन् ।सोमबार दिउँसो साढे १२ वजे हुने पहिलो खेलमा छैठौं स्थानको नेपाल आर्मी क्लब र आठौ स्थानको सरस्वती क्लबवीच प्रतिस्पर्धा हुनेछ । सुपर एटमा स्थान सुरक्षित गर्न सरस्वती क्लबलाई जित वा बराबरी आवश्यक छ भने आर्मी खेल जितेर दोश्रो स्थानमा पुग्ने दाउमा छ । त्यस्तै दिउँसो साढे दुई हुने अर्को खेलमा सातौं स्थानको फ्रेण्डस् क्लब र १२ औं स्थानमा रहेको नेपाल एपिएफ क्लबबीच प्रतिस्पर्धा हुनेछ । चौधौं चरणको खेल सकिदा थ्रीस्टार क्लब ३२ अंकका साथ अंक तालिकाको शीर्ष स्थानमा छ ।
