काठमाण्डौं, ७ माघ
राजधानीमा जारी सहिद स्मारक रेडबुल ए डिभिजन लिग फुटबल प्रतियोगितामा अहिले मनाङ मस्र्याङदी र पुलिसबीचको खेल जारी छ । दशरथ रंगशालामा भइरहेको खेलमा यो समाचार तयार पार्दासम्म नेपाल पुलिसले एक गोल हानेको छ । जारी खेलमा २५ अंकसहित चौथो स्थानमा रहेको मनाङलाई पहिलो स्थानमा फर्किन जितको आवश्यक छ । त्यस्तै १९ अंकसहित १०औं स्थानमा रहेको पुलिसलाई पनि अन्तिम आठमा पुग्न खेल जित्नुपर्ने बाध्यता छ । सर्वाधिक ७५ लाख रुपैयाँ पुरस्कार राशीको प्रतियोगिता गएको मङ्सिर ५ गतेदेखि राजधानीमा चलिरहेको छ ।
