एमालेका असन्तुष्ट नेताहरुले आज पार्टी छोड्दै

१८ असोज, काठमाण्डौं । लामो समयदेखि पार्टीभित्र रहेर संस्थापन पक्षका विरुद्ध संर्घष गर्दै आएका एमाले उपाध्यक्ष अशोक राईसहितका पाँच जना नेताहरुले आज पार्टी त्यागको घोषणा गर्ने भएका छन् । आज एक कार्यक्रमको आयोजना गरी अग्रगामी विचार समूहका नाममा राष्ट्रिय सभागृहमा कार्यक्रमको आयोजना गर्दै पार्टी त्याग्ने कार्ययोजना बनाएको उनीहरुले बताएका छन् । औपचारिक रुपमा पार्टी छोड्नेहरु उपाध्यक्ष राईसहित विजय सुव्वा, राजेन्द्र श्रेष्ठ, रकम चेम्जोङ र अजम्बर राई कामबाङ लागयत रहेका छन् । पार्टी प्रतिअसन्तुष्ट रहेका पृथ्वी सुव्वा गुरुङ, राचन्द्र झा लगायतका पाँच नेताहरुले भने गत साता नै पार्टी भित्रै अन्तर संर्घष गरेर आफ्ना माग स्थापित गराउने भन्दै पुनः पार्टीमा फर्किएका छन् ।