असोज १ गते , रोल्पा हावाहुरीले पूर्वि रोल्पाको गाम गाबिसका किसानले लगाएको मकै बालीमा ठूलो क्षति पुर्याएको छ । गाम गाविसको बिवाङ तालको आसपास र छिमेकी गाविसहरु पmगाम, स्युरी गाविसका केही क्षेत्रमा चलेको हावाहुरीले मकै बाली ढलाएको स्थानीय बिवाङदह युवा क्लवका सल्लाहकार मनपति बुढाले जानकारी दिनुभयो । भर्खरै कोसा लगाउन सुरु गरेको मकै ढलेपछि किसानहरु चिन्तित बनेका छन् । स्थानीय कृषक लालमणि बुढा मगरले बिहान ९ बजेदेखि चलेको हावाहुरीले बर्षभरिको खेती चौपट पारेको बताउनुभयो । केही दिनदेखिको अबिरले बर्षासँगै आएको हावाहुरीले मुख्य बाली मकै ढलेपछि किसानहरु चिन्ती बनेका हुन् ।
