कम्प्युटर शिक्षाको माग गर्दे सिन्धुलीको एक विद्यालयमा तालाबन्दी ।।

सिन्धुली भदौ ३१ गते, सिन्दुलीको चन्द्रावति उच्च माध्यामिक बिद्यालय बेलघारीका बिद्यार्थीहरुले आजबाट बिद्यालयमा अनिश्चितकालीन तालाबन्दी गरेका छन् । कम्प्युटर शिक्षाको विषयमा विद्यालयले कुनै चासो नदिएपछि तालाबन्दि गर्नुपरेको बिद्यार्थीहरुको भनाई छ । बिद्यार्थीहरुले कप्म्युटर शिक्षाको ब्यवस्था गर्नुपर्ने माग सहित बिद्यालय ब्यवस्थापन समितिलाई १ हप्ताको अल्टिमेटम दिएका थिए । बिद्यार्थीहरुको माग जायज भएको भन्दै अभिभाबकहरुले पनि विद्यार्थीको आन्दोलनमा समर्थन जनाएका छन् । बिद्यालयमा कम्प्युटर सहितको कम्प्युटर शिक्षाको ब्यवस्था गरिदिन आफूहरुले पनि आग्रह गरेको स्थानीय खेमराज दाहालले जानकारी दिनुभयो ।