न्यायाधिश भरतवहादुर कार्कीको एकल इजलाशले सचिव हाडालाई सरुवा गर्नुको लिखित कारण १५ दिन भित्र पेश गर्न सरकारको नाममा दिर्नेशनात्क आदेश दिएको सर्वोच्च अदालतका सहप्रवक्ता हेमन्त रावलले जानकरी दिनुभयो ।
सचिव हाडाले आफूलाई अपमानजनक तरिकाले सरुवा गरिएको भन्दै सर्वोच्च अदालतमा रिट दायर गर्नु भएको थियो । वरिष्ठ सरकारी अधिकारीहरूलाई सरुवा गर्दा सरसल्लाह गर्नु पर्ने सामान्य मान्यता पनि पूरा नगरी आफू भन्दा कनिष्टको मातहतमा रहनेगरी सरुवा गरिएको प्रति उहाँले आपत्ति जनाउनु भएको छ ।
सचिव हाडाले दायर गरेको रिटमा सचिवहरूलाई सरुवा गर्न नयाँ र चुस्तदुरुस्त मापदन्ड तयार पार्ने निर्देशनात्क आदेशको माग गर्नुभएको थियो । सिंचाई मन्त्रालयमा रहनु भएकी हाडालाई सरकारले महालेख परिक्षकको कार्यालयमा सुरुवा गरेको थियो ।
आफू भन्दा कनिष्ट सचिव रहेको अर्थमन्त्रालय मातहतको महालेखा परिक्षकको कार्यालयमा सरुवा गरेर समग्र कर्मचारीहरूको मनोबल घटाउनेगरी सरकारले राजनीतिक पूर्वाग्रह राखेको सचिव हाडाले दाबी गर्नुभएको छ ।नेपालवाणी संवाददाता
