साउन १९,चितवन जिल्ला वन कार्यालय चितवनले विहीबार राती सालका गोलिया चोरी निकासी गर्ने क्रममा ट्रक चालक सहित ४ जनालाई पक्राउ गरेको छ ।काठ चोरी गरि लागिरहेको सुचना पाएपछि पुगेको गस्तीे टोलिले कविलास–१ स्थित खैरेनीचौरमा रहेको जिल्ला वन पैदावार आपुर्ति समितिको डिपोबाट ४ जनालाई पक्राउ गरेको कार्यालयले जनाएको छ । सो टोलीले बा १ ख ९८५९ नम्बरको ट्रक सहित तस्करलाई पक्राउ गरेको हो । पक्राउ पर्नेहरुमा कविलासका चिना गुरुङ, अर्जुन तामाङ, सन्जमान भुजेल र चालक कृष्ण गुरुङ छन् । पक्राउ व्यक्तिलाई हिरासतमा राखेर अनुसन्धान थालिएको जनाइएको छ ।
