भोला थापा क्षेत्री दोहा, अगष्ट ४ गते । – कतारमा विगत ४ वर्ष पहिला देखी साहित्यमा सकृय रहदै आएको नवोदित साहित्यिक वाचनालय कतारको आयोजनामा गत शुक्रवार ३ अगष्टका दिन कतारको दोहा सिनेमा हलमा नेपाली कथानक चलचित्र “सम्झिराख है”को प्रद्धर्शन गरिएको छ । नेपाली प्रेम कथामा आधारितचलचित्र मा प्रशस्त मनोरञ्जनात्मक प्रहसन प्रस्तुतिहरु समेत भएपनि उक्त चलचित्रले कतारमा भने जस्तो सफल प्रदर्शन गर्न सकेन ।कतारमा हरेक हप्ता शुक्रवार दोहा सिनेमा तथा गल्फ सिनेमामा नेपाली चलचित्र प्रदर्शन हुने गर्दछन । पछिल्लो समयमा चलचित्रले भने सोचे जस्तो दर्शक नताने पनि प्रर्दशन गर्न भने कतारमा स्थापना भएको सामाजिक,साहित्यक,सांगितिक सस्थाहरु हानथाप हुने गरको पाईन्छ ।
चलचित्र आयोजकले महगो रकमले हल भाडा लिएर नेपाली दर्शकहरुलाई मनोरन्जनको लागी करिव ५ सय भन्दा बढि सिट क्षमता भएको सिनेमा हल बुकिंङ गराएका थिए । तर दर्शकहरु भने आयोजक सहित २ सयको पनि उपस्थिती थिएन । कतारको बढ्दो गर्मीको कारण दर्शकहरु हल सम्म तान्न नसकेको आयोजकको धारण छ ।
उक्त नेपाली कथानक चलचित्र “सम्झिराख है” प्रदर्शनको लागी प्रमुख सहयोगी सस्थाहरु तनहुँ सेवा समाज कतार ,श्री गद्दीमाई विकास योजना समिती, जमुनिया सर्लाही, लगायत ले सहयोगमा प्रदशन भएको हो ।
दर्शकहरु धेरै नभए पनि नेपाली कथानक चलचित्र “सम्झिराख है” प्रदर्शनको लागी प्रमुख सहयोगी सस्थाहरु बाट भारि रका सहयोग मिलेको थियो त्यसैले घाटामा चाही गएनौ उक्त सस्थाका नवाराज विक ले बताए ।
रिम विश्वकर्माको निर्माण तथा निर्देशनमा तयार भएको यस चलचित्रमानायक सुमन सिंह,अस्मिता कडेल,गणेश गिरी,जे.के.शर्मा, लगायतका थुप्रै कलाकारहरुको अभिनय रहेको छ । चलचित्रमा नेपालको पोखरा तथा अन्या रमणीया ठाउँहरुको पनि मनोरन्जन दृश्य हेर्न पाईन्छ । ‘कलेजीको कुनामा अझि राख है, मै मरी गए पनि सम्झि राख है...’ राम्रा गितहरु समावेश भएको यस चलचित्रमा गित संगित भने दिपक शर्माको रहेको छ ।
