काठमाडौं साउन १७ गते ।। नेपालमा भ्रमणमा रहनु भएका भारतीय जनता पार्टीका नेता यसवन्त सिन्हाले आज नेपाली काङ्ग्रेसका सभापति सुशील कोइरालासँग भेट गर्नुहुने भएको छ । सभापति कोइरालासँगको भेटवार्ताका लागि सिन्हा अहिले केहीबेर (९ बजेपछि) मा महाराजगन्ज पुग्नुहुने भएको छ । उहाँहरूबीच नेपालको पछिल्लो राजनीतिक अवस्था, दलहरुबीचको सहमति, घोषित निर्वाचनलगायतका विषयमा छलफल हुने कार्यक्रम छ । सोमबार नेपाल आइपुग्नुभएका सिन्हाले यसअघि प्रधानमन्त्री डा. बाबुराम भट्टराई, एकीकृत नेकपा माओवादीका अध्यक्ष पुष्पकमल दाहाल प्रचण्ड, काङ्ग्रेस वरिष्ठ नेता शेरबहादुर देउवासँग भेटवार्ता गरिसक्नुभएको छ ।
