काठमाडौं साउन १७ गते ।। एकीकृत नेकपा माओवादीको महाधिवेशन आयोजक समितिको बैठक आज बस्दै छ । बिहान ११ बजेपछि केन्द्रीय कार्यालय कोटेश्वरको पेरिसडाँडामा बस्ने बैठकमा महाधिवेशनको तयारी र जिम्मेवारी बाँडफाँडलगायतका विषयमा छलफल हुने नेता अमिक शेरचनले जानकारी दिनुभयो । शेरचनका अनुसार यसअघि बैठकको एजेन्डाका विषयमा शीर्ष नेताहरूको अलग्गै बैठक अहिले केहीबेरमा अध्यक्ष पुष्पकमल दाहाल प्रचण्डको निवास लाजिम्पाटमा बस्दैछ । शीर्ष नेताहरूको बैठकमा मुलुकको पछिल्लो राजनीतिक गतिरोध, सहमतिकाल लागि भइरहेको प्रयास,का सम्बन्धमा पनि छलफल हुने बताइएको छ । यसअघि आवश्यक तयारी नपुगेको भन्दै एकीकृत माओवादी महाधिवेशन आयोक समितिको बैठक स्थगित भएको थियो ।
