सुनिल ठाकुर, , सर्लाही काठमाडौं साउन १९ गते ।।।। भारतको झारखण्ड राज्यमा रहेको बैद्यनाथधाम दर्शनका लागि गएका सर्लाही सलेमपुरका दुई दर्शनार्थीको सवारी दुर्घटनामा मृत्यु भएको छ । मृत्यु हुनेमा सलेमपुर १ का १८ वर्षीय हरिनन्दन राय र वडा नं. ८ का ३२ वर्षीय प्रमोद राय भएको प्रहरीले जनाएको छ । दुर्घटनामा अन्य ५ जना घाईते भएका छन् । सीतामढी र मज्जफपुरबीचको रुनी सैदपुर भन्ने स्थानमा दर्शनार्थीहरु चढेको ना.४ ख ४२०२ नम्बरको गोल्डेन सयपत्री बस गएराति पल्टिदा उनीहरुको मृत्यु भएको हो । दर्शनका लागि उनीहरु साउन १३ गते त्यसतर्फ गएका थिए ।
