मनोज बस्नेत,, गुल्मी साउन १७ गते ।। गुल्मीको हस्तिचौर गाविसमा खोलामा बगेर वेपत्ता भएका दुईजना बालक अझै फेला परेका छैनन् । हस्तिचौर गाविस बडा नम्वर ५ का शङ्कर बिकसँगै खोलामा माछा मार्न गएका दुईजना वालक सोमबार बेलुका वेपत्ता भएका थिए । शंकरसँग गएका ५ जना बालकमध्ये शङ्करका छोरा १२ वर्षका दीपक विक र गुल्मीको धुर्कोट घर भई मामा घर हस्तिचौर गएका १३ वर्षका प्रकाश विक खोलामा बगेका थिए । उनीहरुको स्थानियबासिन्दा तथा प्रहरीको सक्रियतामा खोजी कार्य जारी रहेपनि अहिलेसम्म फेला पार्न नसकिएको जिल्ला प्रहरी कार्यालय गुल्मीले जनाएको छ ।
