काठमाडौं साउन १७ गते ।। नेपालका पौडी खेलाडी श्रेया धिताल लन्डन ओलम्पिकमा आज प्रतिस्पर्धामा उत्रँदै हुनुहुन्छ । उहाँले महिलातर्फको एक सय मिटर फ्रीस्टाइल स्पर्धामा भिडन्त गर्नुहुने भएको छ । श्रेयाको खेल आज दिउँसो पौने ३ बजे हुने छ । उहाँ एक महिना अघिदेखि ओलम्पिक खेलकुदका लागि प्रशिक्षण पिलन लन्डन जानुभएको थियो । आजको प्रतियोगितामा नयाँ राष्ट्रिय कीर्तिमान बनाउने योजना श्रेयाको रहेको छ । यसैगरी पुरुषतर्फको पौडीको ५० मिटर फ्रीस्टाइल स्पर्धामा नेपालका अर्का खेलाडी प्रसिद्धजङ्ग शाहले भोलि प्रतिस्पर्धा गर्नुहुने भएको छ ।
