तपेन्द्र कुँवर असार २९ गते । , धनगढी छैटौं राष्ट्रिय प्रतियोगिता आयोजकले स्थानिय होटलाई दिनु पर्ने पैसा अझै पनि नदिएको यहा“का आधा दर्जन बढी होटलहरुको दाबी छ । उनीहरुका अनुसार धनगढीमा मात्रै होटल व्यवसायीहरुको रु ५ देखि ६ लाख उदारो असुली हुन सकेको छैन । धनगढीस्थित होटल साथीले आफ्नो तीन लाख बा“की रहेको बताएको छ । त्यस्तै स्थानीय शिवशक्ति होटलले रु ३७ हजार तीन सय, दिनेश कटेजले रु ३० हजार, साथीभाई होटल एण्ड रेष्टुरेन्टले रु १३ हजार छ सय २० र होटल कञ्चनले रु ६ हजार बक्यौता बा“की रहेको बताएका छन् । यसैगरी धनगढीकै होटल ताज र गैरसरकरी संस्था महासंघले पनि आफूहरुको १६÷१६ हजार असुल हुन नसकेको बताएका छन् । अन्य होटलहरुले रु ५ देखि ६ हजारसम्मको रकमको कुनै लेखाजोखा नै नरहेको बताएका छन् । नेपाल तेक्वान्दो संघ जिल्ला कार्यसमिति कैलालीको पहलमा होटल नपाएका खेलाडी र खेलपदाधिकारीहरुलाई होटल व्यवसायी संघस“गको समन्वयपछि खाने बस्ने व्यवस्था मिलाइएको छ । छैटौं राष्ट्रिय खेलकूद प्रतियोगितामा आवास तथा खानपान व्यवस्थापनका संयोजक नवीन जोशीले कुनै पनि होटलहरुको वक्यौता नरहेको स्पष्ट पारेका छन् ।
