सुजीता न्यौपाने, मकवानपुर साउन ११ गते ।हेटौंडा, सिस्नेरी र काठमाण्डौ हुँदै चल्ने सवारी साधनहरुलाई बेलुका ८ बजे देखि बिहान ५ बजेसम्म नचलाउन जिल्ला प्रहरी कार्यालय मकवानपुरले अनुरोध गरेको छ । बर्षाको मौसममा बाटोमा पहिरो जाने र ढुंगा झरीरहने हुँदा राति अप्ठ्यारो पर्ने भएकोले सवारी साधन नचलाउन आग्रह गरिएको जिल्ला प्रहरी कार्यालय मकवानपुरका प्रहरी उपरीक्षक रामकुमार थापाले बताउनुभयो । सडक खण्डमा राति पहिरो खसेको खण्डमा यात्रुहरु अलपत्र पर्ने समस्या भएकाले सम्पुर्ण यातायात व्यवसायी तथा सम्पुर्णमा प्रहरीले आग्रहसमेत गरेको छ । सिस्नेरीका विभिन्न ४ स्थानमा पहिरो गएपछि हिजो बिहानबाट अवरुद्ध भएको सडकखण्ड अहिलेसम्म सञ्चालनमा आउन सकेको छैन् ।
