काठमान्डौ असार २७ गते । पाँच दिने
नेपाल भ्रमणका सिलसिलामा हिजो नेपाल आईपुग्नुभएका भारतीय स्थलसेनाध्यक्ष
जनरल विक्रम सिंहले आज पनि आफ्नो भेटघाटलाई जारी राख्नु हुने भएको छ ।
प्रधानमन्त्री डाक्टर बाबुराम भट्टराईलाई भेट्न दिउँसो पौने १ बजे
प्रधानमन्त्री कार्यालय सिंहदरबारमा जानुहुनेछ ।
उहाँहरुबीचको भेटमा नेपाली र भारतीय
सेनाबीचको सम्बन्ध,आपसी सहयोग लगायतका बिषयमा छलफल हुने प्रधानमन्त्रीको
नीजि सचिवालयले जनाएको छ । यसैबीच आजै साँझ राष्ट्रपति कार्यालयमा हुने
विशेष कार्यक्रममा सिंहलाई मानार्थ महारथीको दर्जा प्रदान गर्ने कार्यक्रम
रहेको छ । हिजो नेपाल आउने वित्तिकै सिंहले नेपालका प्रधानसेनापति
छत्रमानसिंह गुरुङसँग भेटघाट गर्नुभएको थियो ।
