कपिल ज्ञवालीबुटवल असार २५बिश्व ज्योति बचत तथा ऋण सहकारी संस्था बुटवलले संस्थाको १० औं बार्षिकोत्सबका अबसरमा बिभिन्न रचनात्मक कार्यक्रम गरेको छ । आज बुटवलको उद्योग बाणिज्य संघमा आयोजित कार्यक्रममा सहकारीका अध्यक्ष सिताराम रसाईली र जिल्ला बचत तथा ऋण सहकारी रुपन्देहीका अध्यक्ष भिम तुलाचनले २०६८ सालको एसएलसिमा बिशिष्ट श्रेणी ल्याई उत्तिर्ण भएका ४ जनालाई सम्मान गर्नुभयो ।त्यस्तै गरि मायादेबि अनाथ आश्रमका २५ जना बालबालिकालाई झोला प्रदान गर्नुभयो । सोहि अबसरमा बुटवल माबिका २५ जना गरिब तथा जेहेन्दार बिद्यार्थीहरुलाई बिद्यालय पोशाक पनि बितरण गरिएको हो ।सो अबसरमा बोल्दै जिल्ला बचत तथा ऋण सहकारीका अध्यक्ष भिम तुलाचनले सहकारीको सामाजिक कार्यको प्रशंसा गर्नुभयो ।कार्यक्रममा सत्यबति बचत तथा ऋण सहकारीका गोपाल श्रेष्ठ,तथा बिश्व ज्योतिका सचिब दिपक बिक लगायतले बोल्नुभएको थियो ।
