जीतेन्द्रप्रसाद सिंह, ,धनुषा असार २९ गते । धनुषाको सदरमुकाम जनकपुरधामबाट प्रसारण भइरहेको रेडियो टुडे ९१ मेगाहर्ज आजबाट छैठौ वर्षमा प्रवेश गरेको छ । २०६४ साल असार २९ गते आजैको दिन रेडियो टुडेले परीक्षण प्रसारण सुरु गरेको थियो । टुडे संचार समूहद्धारा सञ्चालित रेडियो टुडेको तीन वर्षको यात्रामा रेडियोबाट मैथिली, नेपाली र हिन्दी भाषाको समाचार प्रसारण गर्नुका साथै विभिन्न सचेतनामुलक, मनोरञ्जनमूलक र जानकारीमुलक कार्यक्रमहरु प्रसारण हुँदै आएको छ । रेडियो टुडेको पाँच वर्षको अवधिसम्मा सहयोग, माया र सल्लाह सुझाव दिनुहुने सबै स्रोता तथा विज्ञापनदाता र सहयोगी निकायप्रति रेडियो टुडेका अध्यक्ष अनुराग गिरी तथा प्रबन्धनिर्देशक वृजकुमार यादवले धन्यबाद ज्ञापन गर्नुभएको छ । शान्ति, विकास र लोकतन्त्रको लागि प्रतिबद्ध सकारात्मक आवाजका रुपमा प्रसारण भैरहेको रेडियो टुडे आगामी दिनमा पनि आफ्नो प्रतिवद्धताप्रति विचलित नहुने रेडियोका अध्यक्ष गिरीले बताउनुभयो ।
