काठमान्डौ असार २१ गते। समायोजन रोजेका
माओवादी लडाकुको छनोटप्रक्रिया आजदेखि सातओटै शिविरमा सुरु हुने भएको छ ।
नेपाली सेना र लोकसेवा आयोगका पदाधिकारी सहभागी टोली शिविरमा ढिला पुगेका
कारण हिजो सबै शिविरमा काम सुरु हुन सकेको थिएन । हिजो पहिलो दिन बिभिन्न ३
ओटा शिविरमा माओवादीका लडाकुको छनौट प्रक्रिया सुरु भएको थियो । चितवनको
शक्तिखोरमा आज विहानैदेखि छनौट प्रक्रिया सुरु भएको छ भने कैलालीमा विहान
१० बजेपछि छनौट प्रक्रिया सुरु हुनेछ ।
त्यसैगरी सुर्खेत, रोल्पा लगायतका
शिविरमा पनि आजै लडाकु छनौट प्रक्रिया सुरु हुने बताइएको छ केही शिविरमा
लडाकुहरुले पूर्व सहमतिअनुसार छनौट प्रक्रिया नभएकोभन्दै हिजो आपत्ति
जनाएका थिए । छनोटप्रक्रिया थाल्न लडाकु रहेका सातवटै शिविरमा सेना र
लोकसेवा आयोगका पदाधिकारीको टोली पुगेको छ । पहिलो चरणमा लडाकुहरूको
शारीरिक योग्यताको जाँच गरिने सेनाले जनाएको छ ।
मापदण्डभित्र नपर्ने लडाकुहरूलाई
स्वेच्छिक अवकाशको अवसर दिइने छ । झन्डै दुई महिनादेखि समायोजन रोजेका ३
हजार एक सय २३ लडाकु नेपाली सेनाको जिम्मा रहेको छ ।
