डोटी असार ३० गते । प्रकाश बम, पुर्वपश्चिम राजमार्ग अन्तरगत कैलालीको अत्तरिया चौराहामा आज बिहान वम फेला परेको छ । वेवारिसे अवस्थामा बम छोडिएको थाहा पाएपछि स्थानियबासिन्दाले प्रहरीलाई खबर गरेका थिए । आज बिहान एउटा वम विष्फोट भएपछि स्थानियबासिन्दाले अर्को वेवारिसे बम छोडिएको बारे इलाका प्रहरी कार्यालय मालाखेतिमा खवर गरेपछि व्यारेकबाट आएको सेनाको बम डिस्पोजल टोलीले निष्क्रिय पारेको हो । बम आज बिहान करिब ३ वजे अत्तरियाको एमसिसि वैकमा चोरीको प्रयास गरेको समूहद्धारा राखिएको प्रहरीको अनुमान छ । आज बिहान करिब ७ जनाको समूहमा वैक लुटपाट गर्न आएको करिब ७ जनाको समूहद्धारा वैकका सुरक्षा गार्डमाथि कुटपिट भएको थियो । गार्डमाथि कुटपिट गरेको समूह वैकमा चोरी गर्न भने असफल भएको छ । राति अध्यारोमा आएकाले चोरहरुको पहिचान गर्न नसकिएको वैंकका गार्डले वताएका छन । घटनाका सम्बन्धमा अनुसन्धान भइरहेको प्रहरीले जनाएको छ ।
