शुक्रराज लामा,, सर्लाही नेपाल खेलकुद महासंघ सर्लाहीको आयोजनामा लालबन्दीमा अञ्चल स्तरीय दौड प्रतियोगिता सम्पन्न भएको छ । सर्लाहीको नेत्रगंन्जदेखि लालबन्दीसम्मको चार किलोमिटरको दुरीमा दौडप्रतियोगीता गराईएको आयोजकले जनाएको छ । जिल्ला भरीका २ सय ५० जना खेलाडीहरुको प्रतियोगितामा सहभागिता थियो । आज भएको दौड प्रतियोगीतमा नेत्रगंन्जका मनोहर पासवान प्रथम, मनोहर चौधरी द्वितिय, अक्षय पासवान तृतिय हुनु भएको छ । विजयी खेलाडीहरुलाई खेलकुद माहासंघका केन्द्रीय अध्यक्ष पुरुषोत्तम पौडेलले पुरस्कार वितरण गर्ने कार्यक्रम छ । कार्यक्रममा नेकपा एमालेका अध्यक्ष झलनाथ खनाल पनि सर्लाहीको लालबन्दी आउनुहुने भएको छ । जिल्ला भरीका खेलाडीहरुको मनोवल उच्च बनाउन र समसामयिक राजनीतिको बारेमा जानकारी दिनका खनाल सर्लाही आउन लागेको एमाले सर्लाहीले जनाएको छ ।
