धुलिखेल, काभ्रे असार ३० गते । सबिता रिजाल,,काभ्रेको बुडोलमा आज बसको ठक्करबाट १ जनाको मृत्यु भएको छ । बसको ठक्करबाट जिल्ला शिक्षा कार्यालय काभ्रेका स्रोत व्यक्ति देगराज भट्टराईको मृत्यु भएको छ भने नवराज तिमल्सिना घाइते हुनु भएको छ । तिमल्सेनालाई उपचारका लागि काठमाण्डौं न्युरो अस्पताल लगिएको छ । बनेपा बुडोलबाट धुलिखेलतर्फ आउदैै गरेको बा २ ख ५८९२ नम्बरको बसले बुडोल चोकमा ठक्कर दिएको हो । घटनापछि केही बेर तनाव भएको छ । बसलाई स्थानीयबासिन्दाले जलाएका छन् । प्रहरी र स्थानीयबीच झडपको स्थीति रहेकाले भिड नियन्त्रणका लागि प्रहरीले सात राउण्ड अश्रु ग्याससमेत प्रहार गरेको र यातायातसमेत अवरुद्ध भएको थियो ।
