सिर्जना घिमिरे, , पाल्पा स्याङ्जाको साँखरमा रहेको मेलमिलाप कृषि प्रोडक्सनमा विहान करिब ३ बजेको समयमा आगलागी हुँदा करिब २० लाख मुल्य बराबरको क्षति भएको छ । आगोका कारण ३ सय बाख्रा अटाउने क्षमताको खोर र त्यहाँ रहेका १ सय २५ ठूला र २० वटा पाठापाठी जलेर मरेको प्रोडक्सनले जनाएको छ । अज्ञात समूहले आगो लगाएको प्रोडक्सनले जनाए पनि आगो कसले लगायो भन्ने बारेमा खुल्न सकेको छैन । अनुसन्धानको लागि प्रहरीको टोली आगलागी भएको स्थल जाँदैछ । आगलागीबाट करिब २० लाख रुपैया बराबरको क्षति पुगेको बताइएको छ । साँखर स्याङ्जामा ८ जना युवाहरुको समूहले संचालन गरेको कृषि फर्ममा बाख्रा, कुखुरा, माछा पालन तथा तरकारी खेति गरिदै आएको प्रोडक्सनका अध्यक्ष रमाकान्त भट्टराईले जानकारी दिनुभयो ।
