पर्वतको भोक्सिङ्ग सडक अबरुद्ध

असार २४ – पर्वतको लुंखु देउराली गाविसको वडा नं ८ देउरालीमा सडकमा पहिरो जाँदा लुखु– भोक्सिङ्ग सडक अबरुद्ध भएको छ । निर्माणधिन सडकबाट पहिरो जाँदा देउराली बजारका तीन घर जोखिममा परेका छन भने बजारका लागि ल्याइएको पानीको पाइप बगाउँदा खानेपानीको अभाब भएको छ ।पहिरोका कारण देउराली बजारका एकबहादुर हमाल, टुकनाथ अधिकारी र दयानिधी शर्माको घर जोखिममा परेको जिल्ला प्रहरी कार्यालय पर्वतका प्रमुख प्रहरी नायब उपरिक्षक केदार खनालले जानकारी दिनुभयो । पहिरो हटाउने, जोखिममा परेका घरका बासिन्दालाई सुरक्षित स्थानमा सार्ने र यातयात सुचारु गराउने प्रयास भैरहेको खनालले बताउनुभयो ।यस्तै वेनी मुस्ताङ्ग मार्ग पनि पहिरोले अवरुद्ध भएको छ । दाना गा।वी।स को वडा नं ३ स्थीत जलथले मा पहिरो जाँदा मार्ग अवरुद्ध भएको हो । ५ दिन अघि देखी अवरुद्ध वाटो खुलाउनेतर्फ कुनै पनि निकायले चासो नदेखाएको स्थानिय वासीहरुले गुनासो गरेका छन । वाटो अवरुद्ध हुँदा सवारीसाधनहरु विच वाटोमै रोकिएका छन भने व्यापारी एवं पर्यटकहरुलाई पैदल हिड्नुपर्दा सास्ती भएको छ ।