मनोज बस्नेत, , गुल्मी साउन १६ गते ।।। गुल्मीको हस्तिचौरमा खोलामा बगेर दुई जना बालक बेपत्ता भएका छन् । हस्तिचौर ५ का शङ्कर बिक हिजो साँझ करिब ६ बजेतीर नजिकैको निस्ती खोलामा माछा मार्न गएको र शङकरसँगै गएका ५ जना बालक मध्ये २ जनालाई खोलाले बगाएको थियो । खोलाले बगाउनेहरुमा शङ्करका छोरा १२ वर्षका दीपक र गुल्मी धुर्कोट घर भई मामा घर हस्तिचौर गएका १३ वर्षका प्रकाश विक रहेको स्थानीय प्रकाश ठकुरीले जानकारी दिनुभएको छ । बगेर बेपत्ता भएका उनीहरुको स्थानीय बासिन्दाले खोजी गरे पनी फेला नपरेपपछि आज बिहानैदेखि खोजी कार्य जारी राखेका छन् । घट्नाको थाहा पाए लगतै धनार्जि प्रहरी चौकीको एक टोली घट्नास्थलतर्फ प्रस्थान गरेको छ ।
