दश दिनदेखि वेपत्ता बागलुङ बुर्तिबाङका कुमाल मृत अवस्थामा फेला ।।

बागलुङ १० गते । शान्ति छन्त्याल,साउन १ गतेदेखि वेपत्ता भएका बागलुङ बुर्तिबाङका एक व्यक्ति मृत अवस्थामा फेला परेका छन् । बुर्तिबाङ गाविस वडा नं ३ खल्बाङका २४ वर्षका  मीनबहादुर कुमाललाई आज विहान भुजिखोला लघुजलविद्युत आयोजनाको नजिकै खोला किनारमा मृत अवस्थामा फेला पारिएको हो । विगत ७ महिनादेखि कुमाल अधिकारीचौरस्थित शालिन्द्र घर्तिमगरको घरमा मजदुरको रुपमा काम गर्दै आएका आउनु भएको थियो । आपसी घरझगडाका कारण खोलामा हाम फालेको हुन सक्ने स्थानियले आशंका गरेका छन् । थप अनुसन्धानका लागि मृतक कुमालको शवलाई बुर्तिबाङ ल्याईएको  ईलाका प्रहरी कार्यालय बुर्तिबाङले जनाएको छ ।