त्रिशुलीमा बस खस्दा ६ जनाको मृत्यु ।।

 धादिङ   साउन १ गते ।उदयपुरबाट काठमाडौं आउँदै गरेको ना २ ख ४९५१ नम्बरको बस धादिङको कृष्णभीरबाट त्रिशुली नदीमा खस्दा ६ जनाको मृत्यु भएको छ । आज विहान करिब चार बजे भएको दुर्घटनामा एक महिला र एक बालिकासहित ६ जनाको मृत्यु भएको धादिङ प्रहरीले जनाएको छ । मृतक सबैको लाश नदीबाट निकालिएको छ, भने घाइते करिब २० जनालाई स्थानीयबासी र प्रहरीले उद्वार गरेका छन् । धादिङको धुसा गाविसबाट बस त्रिशुलीमा खसेको थियो । बस दुर्घटनाको कारणबारे अनुसन्धान भइरहेको प्रहरीले जनाएको छ ।