नेपालगञ्ज, असार ३ - नेपालगंजमा व्यापार गर्दै आएका बर्दिया बदालपुर ४ का दामोदर पाण्डे ७० लाख रुपैयाँ नगद सहित बेपत्ता हुनुभएको छ । पाण्डे जेठ २९ गतेदेखि हराउनुभएको हो । पाण्डेको अपहरण भएको हुनसक्ने दाजु सुवास पाण्डेले बताउनुभयो । बैँकमा राख्न लगिएको ७० लाख सहित दामोदर सम्पर्क विहिन भएको दाजु पाण्डेले जानकारी दिनुभयो ।
साथीको मोटरसाइकलमा बैँक जाँदै गरेका दामोदर मोटरसाइकल विग्रिएपछि रिक्सा चढेर गएको परिवारले जनाएको छ । उहाँको मोबाइलमा पनि सम्पर्क पनि भएको छैन । सम्पर्क विहिन भएको २ दिनपछि उहाँको ९८४८२०१९०५ नम्बरको मोबाइल वर्दिया मानपुर टकरामा रहेको टेलिकम टावरमा सम्पर्क देखिएको टेलिकमलाई उधृत गर्दै परिवारले जनाएको छ ।
