बिदुर नेपाल , काभ्रेपलाञ्चोक, जेष्ठ २४
काभ्रे जिल्लाकै सर्वाधिक धनराशी भएको
प्रथम पुफा देशब्यापी खुल्ला आमन्त्रण कपमा सेमिफाइनल चरणको आज अन्तिम खेल
हुने भएको छ । कृषि भण्डारका रुपमा चिनिएको प्रस्तावित पाँचखाल नगरपालिकामा
दिउँसो साढे ३ बजेपछि हुने अन्तिम सेमिफाइनल खेलमा स्पार्क हेल्थ होम
फुटबल क्लब सोल्टिमोड र सुजल फुटबल क्लब त्रिपुरेश्वर बीच प्रतिस्पर्धा
हुने छ । १८ गतेदेखि सञ्चालन भइरहेको प्रतियोगिताको फाइनल २७ गते हुनेछ ।
प्रतियोगितामा प्रथम हुने टिमले नगद १ लाख पाउने छ भने दोस्रो हुने टिमले
५० हजार नगद र ट्रफी, मेडलका साथै प्रमाणपत्र प्राप्त गर्ने छ । १६ लाख ७५
हजार खर्च हुने भनिएको प्रतियोगिताको आयोजना पाँचखाल यूनाइटेड फुटबल
एसोसिएसन (पुफा) ले गरेको हो । यसैबीच हिजोको सेमीफाइनल खेलमा बनेपा ब्वाइज
क्लब (बीबीसी), बनेपाले नवज्योती युथ क्लब, कलंकीलाई सडन डेथमा ६–५ गोल
अन्तरले पराजित गरेको छ । ट्राइबेकरमा दुवै तर्पmबाट ५÷५ गोल भएपछि सडन
डेथमा जानु परेको थियो ।
