प्रधानमन्त्रीलाई विद्यार्थीले कालोझण्डा देखाए

१४ असार, काठमाण्डौ । नेपाली काँग्रेस निकट विद्यार्थी संगठन नेपाल विद्यार्थी संघ र एमालेको विद्यार्थी संगठन अनेरास्ववियूका विद्यार्थीले प्रधानमन्त्री डा वावुराम भट्टराईलाई कालो झण्डा देखाएका छन् ।
त्रिभुवन विश्वविद्यालयको ५३ औँ वाषिर्क उत्सव कार्यक्रममा भाग लिन विहीवार विहान कीर्तिपुर पुगेका प्रधानमन्त्री भट्टराईलाई नेविसंघ र अनेरास्ववियूका कार्यकर्ताले कालो झण्डा देखाएका हुन् । खेति पातीका वेला रसायनिक मलको अभाव र पेट्रेालियम पदार्थको मूल्य वृद्धिको विरोध गर्दै प्रधानमन्त्रीलाई कालो झण्डा देखाइएको नेविसंघका केन्द्रीय सदस्य अनिल खनालले जानकारी दिनुभयो ।
कालो झण्डा देखाउने नेविसंघका केन्द्रीय सदस्य अनिल खनाल सहित ५ जनालाई प्रहरीले नियन्त्रणमा लिएर छोडेको छ