काठमाण्डौं,जेष्ठ २८
केन्द्रीय कमिटीबाट प्राप्त सुझावहरुको बारेमा छलफल गर्न नेकपा एमालेको स्थायी कमिटीको बैठक आज बस्दैछ । पार्टी केन्द्रीय कार्यालय बल्खुमा विहान ९ बजेपछि सुरु हुने बैठकमा हिजोको केन्द्रीय कमिटीको बैठकबाट प्राप्त सल्लाह, सुझावको बारेमा कुराकानी हुने र आवश्यक निर्णय गर्ने एमाले नेता प्रदीप ज्ञवालीले सीआईएनसँग बताउनुभयो । नेता ज्ञवालीका अनुसार असार ४ र ५ मा बोलाइएको पार्टीको राष्ट्रिय कार्यकर्ता भेलाको तयारीको बारेमा पनि बैठकमा छलफल हुनेछ । हिजोको केन्द्रीय कमिटीको बैठकले पार्टीका असन्तुष्ट जनजाति तथा मधेसी नेताहरुसँग छलफल गरी विवाद हल गर्न स्थायी कमिटीलाई जिम्मा दिएको थियो । केन्द्रीय कमिटीको बैठकमा बोल्ने अधिकांश सदस्यहरुले असन्तुष्टहरुलाई बैठकमा ल्याउन तथा उनीहरुको सवाललाई सम्बोधन गर्न नेतृत्वले विशेष पहल गर्नुपर्नेमा जोड दिएका थिए । एमालेमा सङ्घीयतासम्बन्धी विवादका कारण उपाध्यक्ष अशोक राईलगायतका नेताहरुले पार्टीको बैठक बहिष्कार गर्दै आउनुभएको छ । एमालेले आगामी असार ४ र ५ गतेका लागि बोलाएको पार्टीको राष्ट्रिय कार्यकर्ता भेलामा पार्टीको विवादको बारेमा कार्यकर्ताबाट सुझाव लिने तयारी गरेको छ ।
केन्द्रीय कमिटीबाट प्राप्त सुझावहरुको बारेमा छलफल गर्न नेकपा एमालेको स्थायी कमिटीको बैठक आज बस्दैछ । पार्टी केन्द्रीय कार्यालय बल्खुमा विहान ९ बजेपछि सुरु हुने बैठकमा हिजोको केन्द्रीय कमिटीको बैठकबाट प्राप्त सल्लाह, सुझावको बारेमा कुराकानी हुने र आवश्यक निर्णय गर्ने एमाले नेता प्रदीप ज्ञवालीले सीआईएनसँग बताउनुभयो । नेता ज्ञवालीका अनुसार असार ४ र ५ मा बोलाइएको पार्टीको राष्ट्रिय कार्यकर्ता भेलाको तयारीको बारेमा पनि बैठकमा छलफल हुनेछ । हिजोको केन्द्रीय कमिटीको बैठकले पार्टीका असन्तुष्ट जनजाति तथा मधेसी नेताहरुसँग छलफल गरी विवाद हल गर्न स्थायी कमिटीलाई जिम्मा दिएको थियो । केन्द्रीय कमिटीको बैठकमा बोल्ने अधिकांश सदस्यहरुले असन्तुष्टहरुलाई बैठकमा ल्याउन तथा उनीहरुको सवाललाई सम्बोधन गर्न नेतृत्वले विशेष पहल गर्नुपर्नेमा जोड दिएका थिए । एमालेमा सङ्घीयतासम्बन्धी विवादका कारण उपाध्यक्ष अशोक राईलगायतका नेताहरुले पार्टीको बैठक बहिष्कार गर्दै आउनुभएको छ । एमालेले आगामी असार ४ र ५ गतेका लागि बोलाएको पार्टीको राष्ट्रिय कार्यकर्ता भेलामा पार्टीको विवादको बारेमा कार्यकर्ताबाट सुझाव लिने तयारी गरेको छ ।
