रौतहट, जेष्ठ २४
हिजोको हावाहुरीका कारण रौतहटको सरमुजवा
गाविसमा रहेको शसस्त्र वेश क्यापको घर क्षति पुगेको छ । स्थानिय भकुवा
नदीको नजिकमा रहेको वेश क्यापको फुसको घर हावाहुरीका कारण उडाएपछि शसस्त्र
प्रहरीहरु अहिले समस्यामा परेका हुन् । यसैबीच हावाहुरीका कारण रौतहटको
कटहरिया गाविस वडा नं. ४ मा रहेकोे जनज्योति प्राथमिक विद्यालयकोे २ कोठाको
कर्कटपाता उडाएको छ । २ सय १४ जना विद्यार्थी रहेको विद्यालयमा हावाहुरीले
छाना उडाएपछि विद्यार्थीहरुलाई अध्ययनमा समस्या भएको छ । विद्यालयको
आर्थिक श्रोत नभएकोका कारण विद्यालय संचालनमा कठिनाई हुने विद्यालयका
प्रधानाध्यापक लालबाबु यादवले जानकारी दिनुभयो । यस्तै विर्तिप्रष्टो गाविस
वडा नं. ७ मा रहेको ज्ञानज्योति प्राथमिक विद्यालयको छाना तथा पर्खाल पनि
भत्किएको छ । विद्यालयको दुई वटा कोठाको छाना उडाउनुका साथै पर्खाल समेत
भत्किएको स्थानिय राजकरण यादवले जानकारी दिनुभयो ।
