चितवन, जेठ २४
चितवन, जेठ २४ - चितवनको नारायणघाटमा प्रहरी र ब्यापारीबीच भएको झडपमा २
जना घाइते भएका छन् । राजश्व अनुसन्धान केन्द्र र प्रहरीको टोलीले
नारायाणघाटका पसलमा छापा मार्ने क्रममा ब्यापारीले प्रदर्शन गरेपछि झडप
भएको हो । प्रदर्शन नियन्त्रण गर्न प्रहरीले अश्रु ग्यास प्रहार गरेको छ ।
अश्रुग्यासबाट घाइते भएका नाम नखुलेका एक पुरुष र महिलाको स्थानिय
अस्पतालमा उपचार भइरहेको छ ।
राजश्व अनुसन्धान विभागका निर्देशक भरतराज सुबेदी र डिएसपी केडी श्रेष्ठ
नेतृत्वको टोलीले आफुहरुसंग घुस मागेको दावी गर्दै ब्यापारीले प्रदर्शन
गरेका हुन् । तर सरकारी टोलीले घुस नमागेको बताएको छ । ब्यापारीले अहिले
नारायणघाटका विभिन्न ठाउँमा प्रदर्शन गर्दै बजार बन्द गराएका छन् भने गाडी
पनि चल्न दिएका छैनन् । उनीहरुले राजश्व अनुशन्धान विभाग काठमाडौंको बा १ झ
९१३५ नम्बरको गाडी पनि जलाईदिएका छन् ।
