काठमाडौ २३ जेठ । आज जुन ५ तारिख अर्थात विश्व वातावरण दिवस, नेपाल लगायत विश्वभरमा विभिन्न र्कायक्रम गरेर यो दिवस मनाइदै छ ।
संयुक्त राष्ट्रसंघको आवह्वानमा वातावरणको
संरक्षण, सम्बद्र्वनमा जोडदिदै हरेक वर्षको जुन ५ मा विश्वभर वातावरण दिवस
मनाउने गरिन्छ । दिवसको अवसरमा सरकारी तथा गैरसरकारी निकायले आज -याली,
सभा तथा छलफलको आयोजना गर्दैछन् ।
बिभिन्न जिल्लाहरुमा पनि विश्व वातावरण दिवसको अवसर पारेर कार्यक्रम भइरहेको खबर प्राप्त भएकोछ ।
१३ औं राष्ट्रिय सरसफाइ सप्ताह
सरकारले आजदेखि यही जेठ २९ गतेसम्म मुलुकभर विभिन्न कार्यक्रम गरी ‘१३ औं राष्ट्रिय सरसफाइ सप्ताह’ मनाउदैछ ।
राष्ट्रिय सरसफाइ समन्वय समितिका लागि
खानेपानी तथा ढल निकास विभागका अनुसार सरसफाइसम्बन्धी फोटो प्रदर्शनी,
सप्ताहभरि काठमाडौँमा उपलब्ध घुम्ती शौचालयमार्फत् सरसफाइ सन्देश प्रवाह
गर्ने र २९ गते सरसफाइसम्बन्धी सांस्कृतिक कार्यक्रम गरी सप्ताहको समापन
गरिनेछ ।
शहरी विकास मन्त्रालयका सचिव ताना गौतमले
सरसफाइका सम्बन्धमा जनचेतना जगाउनु पर्नेमा जोड दिँदै खुला शौचालयबाट खुला
दिसामुक्त क्षेत्रमा परिणत गर्नुपर्ने अवस्था चुनौतीपूर्ण रहेको बताउनुभयो ।
सन् २०१० को अध्ययन अनुसार सरसफाइमा ध्यान
पुग्न नसकेका कारण वर्षेनी ३ हजार बालबालिकाको मृत्यु हुने गरेको छ भने १०
अर्बभन्दा बढी रकम क्षति हुने गरेको छ । खानेपानी तथा ढल निकास विभागका
महानिर्देशक सुमनप्रसाद शर्माले नीति निर्माण तहमै सरसफाइको महत्व बुझाउन
नसकिएको बताउनुभयो ।
सरसफाइका क्रियाकलापलाई प्रवर्द्धन गर्दै
सम्पूर्ण घरधुरीमा सरसफाइको आधारभूत स्तरसम्मको सुविधा(चर्पी) उपलब्ध गराउन
नेपाल सरकारले सन् २०१७ सम्मको लक्ष्य तय गरी गुरुयोजना तयार पारेको छ भने
यो योजना गत २०६८ असोजदेखि कार्यान्वयनमा ल्याइसकेको छ । कास्की र चितवन
जिल्ला, पोखरा उपमहानगरपालिका तथा धरान, रत्ननगर, भरतपुर र लेखनाथ
नगरपालिका एवम् ३ सय ८७ वटा गाउँ विकास समिति र ११ सयभन्दा बढी विद्यालय
खुला दिसामुक्त घोषणा गरिएका छन् ।
