गाविस कोषबाट ४२ थान घार सहित मौरी वितरण ।।

गोरखा, जेष्ठ ३०
आरुचनौटे गाउँ विकास समिति गोरखाले दलित तथा गरिव वर्गका जनताहरुको आय आर्जनको लागि गाउँ विकास समितिको कोषबाट ४२ थान घार सहित मौरी वितरण गरेको छ । गाउँ विकास समितिको कार्यालय आरुचनौटेमा गाउँ विकास समितिका सचिव अब्दुल मियाले ३० थान घार दलित र १२ थान घार गरिब किसानहरुलाई वितरण गर्नु भएको हो । मौरी सहितको घार खरिदका लागि गाउँ विकास समितिले अनुदान दिएको हो । प्रति घार ४५ सय लगानी गरिएको सचिव मियाले बताउनुभयो ।