जर्मनी युरोकपको सेमिफाइनल प्रवेश (भिडियो सहित)

 

असार ९ – जर्मनी युरोकप फुटबलको सेमिफाईनलमा प्रवेश गरेको छ । शुक्रवार राती ग्रीसलाई ४–२ ले हराउँदै जर्मनी अन्तिम चारमा पुगेको हो । समूह चरणमा उत्कृष्ट प्रदर्शन गरेको जर्मनीले क्वार्टर फाईनलमा पनि आफ्नो प्रदर्शनलाई कायम राख्यो । जर्मन चान्सलर एञ्जेला मर्केलले रंगशालामै उपस्थित भएर हेरेको खेलमा ४३ हजार दर्शक सामू जर्मनीलाई जिताउन फिलिप लाम, सेमि खेडिरा, मिरोस्लाभ क्लोस र मारियो रियूसले गोल गरे । त्यस्तै ग्रीसका लागि जर्जियोस सामारस र डिमिट्रिस सालपिङडिसले गोल फर्काए । ३९ औ मिनेटमा कप्तान फिलिप लामको गोलमा अग्रता लिएको जर्मनीले बाँकी तीन गोल दोस्रो हाफमा गरेको थियो । ५५ औं मिनेटमा बराबरी गरेको ग्रीसलेत्यसपछि लगातार तीन गोल खायो । ८९ औं मिनेटमा पेनाल्टी पाएर सदूपयोग गरेपनि हारबाट जोगिनका लागि त्यो पर्याप्त भएन । सेमिफाईनलमा जर्मनीले इङ्गल्याण्ड र इटलीबीचको विजेताको सामना गर्नेछ । युरोकपको तेश्रो सेमिफाइनल खेलमा शनिवार राती स्पेन र फ्रान्स भिड्नेछन् । युरो कपमा सेमिफाईनल प्रवेश गर्ने जर्मनी दोस्रो टीम हो । यसअघि पोर्चुगल सेमिफाईनलमा पुगिसकेको छ । जर्मनी र ग्रिसवीच भएको खेलको गोलहरु भिडियोमा हेर्नुस्