व्यवसायीले प्रहरी बिट जलाए
चाँदनी हमाल, चितवन, जेठ २४
छापामा मार्न आएका कर्मचारीको जिप जलाउने तयारी गर्दै व्यापारी। तस्विरः चाँदनी हमालजानकारीविनै छापामार्न आएको आन्तरिक राजश्व कार्यालयका पदाधिकारीले घुस मागेको भन्दै नारायणगढका व्यवसायीहरु प्रदर्शनमा उत्रिँदा नारायणगढमा प्रहरीले गोली चलाएको छ। प्रदर्शनका क्रममा व्यवसायीहरुले प्रहरीमाथि ढुंगामुढा गर्न थालेपछि प्रहरीले सुरक्षाका लागि रबरको गोली प्रहार गरेको हो।
तनावग्रस्त बनेपनि गोली भने कसैलाई लागेको छैन्। नारायणगढको लक्ष्मीनारायण वस्त्रालयका छापामार्न पुगेको आन्तरिक राजश्व कार्यालयका पदाधिकारी र व्यवसायीबीच विवाद भएपछि तनावको अवस्था आएको हो। जानकारी नै नदिई छापा मार्न आएको र उल्टै व्यावसायीसँग दशलाख घुस मागेको आरोप व्यवसायीले लगाएका छन्।
आन्तरिक
राजश्वको छापाविरुद्ध नारायणगढका सडकमा उत्रिएर प्रदर्शन गरिरहेका
व्यवसायीले प्रहरी बिट आगो लगाइदिएका छन्। शहिदचोक र पुल्चोक र लायन्सचोकमा
व्यवसायीहरुले सडक अवरुद्ध गरी विरोध थालेपछि प्रहरीले रोक्न खोज्दा
प्रहरी र व्यवसायीबीच झडप भएको थियो। व्यापारीहरुले आन्तरिक राजश्व
कार्यालयको गाडी जलाएका छन्। त्यस्तै आगो निभाउन गएको वारुण यन्त्रसमेत
तोडफोड गरेका छन्।श्रोत नागरिकन्युज/तस्विरः चाँदनी हमाल
