काठमाडौं, जेठ ९
राज्य पुनर्संरचना बारे जारी विवाद
मिलाउने प्रयासस्वरुप प्रमुख तीन दल र मधेसी मोर्चाबीचको बैठक आज पनि
बस्दैछ । तीनदलको बैठक बस्नु अघि दलहरु अहिले आन्तरिक छलफलमा जुटेका छन् ।
एकीकृत नेकपा माओवादी र मधेसी मोर्चाको छलफल भइरहेको छ । माओवादी अध्यक्ष
पुष्पकमल दाहाल प्रचण्डको निवास लाजिमपाटमा भइरहेको छलफलमा कांग्रेस र
एमालेले राखेको अडान र राज्यपुनर्संचना अन्र्तगत संघिय खाका विषयमा छलफल
भइरहेको छ । संविधान जारी गर्नुपर्ने समय पाँच दिन मात्र बाँकी रहेकोले
राज्यपुनर्संरचना, शासकीयस्वरुप लगायतका विवादित विषयमा ठोस सहमति गर्न
दलहरुले आज पनि आन्तरिक तथा बहुपक्षीय छलफल गर्न लागेका हुन ।
तीन दल र मोर्चाले आजै छलफल गर्ने बताइए
पनि समय र स्थानको टुङ्गो नलागेको एमाले नेता भीम रावलले सीआईएनलाई जानकारी
दिनुभयो । सहमतिको लागि हिजो बसेको प्रमुख तीन दल र संयुक्त लोकतान्त्रिक
मधेसी मोर्चाबीचको बैठक आरोपप्रत्यारोपका कारण निष्कर्षविहिन भएको थियो ।
एकीकृत माओवादीले संघीयताविनाको संविधान जारी गर्ने षड्यन्त्रमा नेपाली
काङ्ग्रेस र नेकपा एमाले लागेको आरोप लगाएको छ । काङ्ग्रेस र एमालेले भने
बिगतमा भएको सहमतिबाट माओवादी पछि हटेका कारण कुनै सहमति हुन नसकेको बताएका
छन् । एमाले नेता रावलले माओवादीले संविधानसभामा एकलौटी रुपमा बहुमत
पु¥याएर जाने प्रयास गरेको र त्यस्तो प्रक्रिया काङ्ग्रेस र एमालेलाई मान्य
नहुने बताउनुभयो । गएको जेठ २ गते प्रमुख तीन दलबीच राज्यपुनर्संरचना
गर्दा ११ प्रदेश बनाउने सहमति भएको भए पनि माओवादीले सहमति पुनर्विचार
गर्नुपर्ने बताएपछि दलहरुबीचको दुरी बढेको हो ।
